Government Jobs : कुठं कुठं जायाचं नोकरीला ? ओ सरकारी नोकरी आहे, जिथं जमंल तिथं गप जायाचं…!

ऑफलाइन पद्धतीनं पत्राद्वारे खाली दिलेल्या पत्त्यावर अर्ज पाठवायचा आहे. अर्जामध्ये माहिती अपूर्ण असल्यास अर्ज अपात्र ठरविण्यात येणार आहे. या पदासाठी अर्ज करण्यासाठी अर्ज शुल्क 50 रुपये आहे. 18,000 रुपये ते 56,900 रुपये असं वेतनमान असणारे. अर्जासोबत आवश्यक ती कागदपत्रं जोडावीत.

सीमा रस्ते संघटना Image Credit source: BRO Official Website

Rachana Bhondave | Updated on: May 20, 2022 | 2:37 PM

सीमा रस्ते संघटना (Border Roads Organisation)अंतर्गत तब्बल 302 पदांसाठी भरती प्रक्रिया सुरु करण्यात आली आहे. नोकरीचं ठिकाण संपूर्ण भारतात असणार आहे. मल्टी स्किल्ड वर्कर (Mason) आणि मल्टी स्किल्ड वर्कर ( Nursing Assitant) या पदांसाठीच्या या जागा आहेत. ऑफलाइन पद्धतीनं पत्राद्वारे खाली दिलेल्या पत्त्यावर अर्ज पाठवायचा आहे. अर्जामध्ये माहिती अपूर्ण असल्यास अर्ज अपात्र ठरविण्यात येणार आहे. या पदासाठी अर्ज करण्यासाठी अर्ज शुल्क 50 रुपये आहे. 18,000 रुपये ते 56,900 रुपये असं वेतनमान असणारे. अर्जासोबत आवश्यक ती कागदपत्रं जोडावीत. पदांनुसार शैक्षणिक पात्रता आणि वयाची अट देण्यात आलेली आहे. उपलब्ध जागांमध्ये मल्टी स्किल्ड वर्करच्या (मेसन) 147 जागा आणि मल्टी स्किल्ड वर्करच्या ( नर्सिंग असिस्टंट) 155 जागा विभागून आहेत. या नोकरीसाठी इच्छुक असलेल्या उमेदवारांनी अधिक माहितीसाठी सीमा रस्ते संघटनाच्या अधिकृत संकेतस्थळाला भेट द्यावी आणि लवकरात लवकर अर्ज भरावा.

पदांचे नाव आणि उपलब्ध जागा

मल्टी स्किल्ड वर्कर (मेसन) – 147
मल्टी स्किल्ड वर्कर ( नर्सिंग असिस्टंट) – 155

पदांनुसार शैक्षणिक पात्रता

मल्टी स्किल्ड वर्कर (मेसन) – 1) 10वी परीक्षा उत्तीर्ण 2) औद्योगिक प्रशिक्षण संस्थेकडून (आयटीआय) इमारत बांधकाम/ ब्रिक्स मेसनचे प्रमाणपत्र/ औद्योगिक व्यापार प्रमाणपत्र/ नॅशनल कौन्सिल फॉर ट्रेनिंग इन व्होकेशनल ट्रेड्स/ स्टेट कौन्सिल फॉर व्होकेशनल ट्रेनिंगचे प्रमाणपत्र
मल्टी स्किल्ड वर्कर ( नर्सिंग असिस्टंट) – 1) 10वी परीक्षा उत्तीर्ण २) ANM किंवा उच्च शिक्षण किंवा समतुल्य