दोन्ही बाजूने लग्नाची उत्सुकता वाढली, प्रेयसीने पोलिसांना झालेला प्रकार सांगितला, संतापलेल्या नातेवाईकांनी टोकाचा निर्णय घेतला
चार वर्षे प्रेमसंबंध ठेवल्यानंतर दुसरीकडे लग्न करणाऱ्या तरुणाला प्रेयसीने चांगलाचं धडा शिकवला असल्याची सगळीकडं चर्चा सुरु आहे. पोलिसांनी नवरदेवाला ताब्यात घेतला. त्यानंतर नवरीच्या नातेवाईकांनी मंडपातील एका तरुणाशी लग्न लावलं आहे.
अहमदनगर : अहमदनगरच्या राहाता (Ahmandnagar Rahata) येथील एका मुलीचा विवाह नाशिक शहरात (nashik city) राहणाऱ्या पंकज याच्याशी ठरला होता. काल त्यांचा राहाता येथील मंगलकार्यालयात विवाह होणार असल्यामुळे, जय्यत तयारी देखील करण्यात आली होती. लग्न घटिका समीप आल्याने दोन्ही बाजूकडील नातेवाईक आणि मित्र परिवाराचा उत्साह शिगेला पोहोचला होता. नवरदेव पंकज वाजत-गाजत विवाहस्थळी पोहचला. मात्र तो बोहल्यावर चढण्याआगोदरच त्याची प्रियेसी राहाता पोलिसांसह विवाहस्थळी पोहचली. पंकज याने लग्नाचे आमिष दाखवून चार वर्षांत वारंवार शरीरसंबंध ठेवून फसवणूक केल्याचे तीने सांगताच विवाहस्थळी (wendding news) एकच खळबळ उडाली. पंकजचे कारनामे ऐकून नवरीसह तीच्या घरच्यांचा पारा चांगलाच चढला आणि नवरीने तात्काळ विवाहास नकार देत हा विवाह रद्द केला गेला. दरम्यान या वधुसाठी कुटूंबियांनी नात्यातीलच दुसरा नवरदेव शोधला आणि मुलीचे त्याचेशी लग्न लावून दिले.
Ahmandnagar Rahata
नातेवाईकांनी तिथून काढता पाय घेतला
राहाता पोलिसांनी पंकज याला ताब्यात घेत त्याच्याकडे चौकशी केली, त्यावेळी नवरदेवाने त्या तरुणीशी संबंध असल्याची कबुली दिली. तक्रारीपूर्वी कलवरे, कलवऱ्या यांच्या गराड्यात असणारा नवरदेव पोलीस स्टेशनला मात्र एकटाच दिसत होता अशी माहिती पोलीस निरीक्षक सुनील गायकवाड यांनी दिली आहे. नवरदेवाचा हा प्रकार उजेडात आल्यानंतर त्यांच्या सुध्दा नातेवाईकांनी तिथून काढता पाय घेतला. आता पोलिस काय कारवाई करणार याकडे सगळ्यांचे लक्ष लागले आहे.
nashik city
लग्नाचे आमिष दाखवून चार वर्षे फसवणूक
पंकज याने लग्नाचे आमिष दाखवून चार वर्षांत अनेकदा शारीरिक संबंध ठेवल्याचा दावा पिडीत तरुणीने केला आहे. त्यामुळे पिडीतेच्या फिर्यादीवरून पंकज याच्यावर भादवि कलम ३७६ आणि ४२० प्रमाणे गुन्हा दाखल करण्यात आलाय. हा गुन्हा आता नाशिकरोड पोलिसांकडे वर्ग करण्यात आला असून पंकज याला नाशिकरोड पोलिसांच्या ताब्यात देण्यात आलंय. पंकजने प्रियेसीला लग्नाचे आमिष दाखवून चार वर्षे तीची फसवणूक केली. तर राहाता पोलीस वेळीच विवाहस्थळी पोहचल्याने दुसरी मुलगी फसवणूक होण्यापूर्वी वाचली आणि बोहल्यावर चढण्याआधीच पंकजवर जेलमध्ये जाण्याची वेळ आली अशी चर्चा सगळीकडे सुरु आहे.
nashik city