Mumbai : नगरसेविकेला बाहुली म्हणणे आले अंगलट; बीएमसीच्या अधिकाऱ्याला तीन महिन्यांचा तुरुंगवास

मुंबई : 40 वर्षीय नगरसेविकेला मोबाईलवर (Mobile) लज्जा निर्माण होईल असे संदेश पाठवल्याबद्दल एका बीएमसीच्या (BMC) अधिकाऱ्याला दोषी ठरवून न्यायालयाने (Court) त्याला तीन महिन्यांच्या तुरुंगवासाची शिक्षा ठोठावली आहे. सोबतच पीडितेला तीन हजार रुपये देण्याचे आदेश देखील न्यायालयाच्या वतीने देण्यात आले आहेत. हे प्रकरण 2016 मधील आहे. पीडिता व तिच्या पतीने केलेल्या दाव्यानुसार 26 जानेवारी 2016 च्या रात्री साडेअकरा वाजता संबंधित महिलेच्या व्हॉट्सअ‍ॅपवर एका अनोळखी नंबरवरून अनेक संदेश आले. ज्यामध्ये तू जेवली का? झोपलीस का? तुझे लग्न झाले आहे का असे विविध प्रश्न विचारण्यात आले होते. तसेच आरोपीकडून काही अश्लील छायाचित्रेही पाठवण्यात आले होते. त्यानंतर या महिलेने घडलेला प्रकार आपल्या पतीला सांगितला. पतीने त्या नंबरवर कॉल करण्याचा प्रयत्न केला मात्र कॉलला प्रतिसाद मिळाला नाही. परत एक संदेश संबंधित महिलेच्या व्हॉट्सअॅपवर आला त्यामध्ये मला माफ करा रात्र असल्याने कॉल उचलू शकत नाही. ऑनलाईन या मला चॅट आवडते असा मजकूर होता. यानंतर संबंधित व्यक्तीविरोधात पोलिसात तक्रार दाखल करण्यात आली होती.

न्यायालयाने काय म्हटले?

या प्रकरणात न्यायालयाने आरोपीला तीन महिन्यांचा तुरुंगवास ठोठावला आहे. तसेच तीन हजार रुपये देण्याचे आदेश देखील दिले आहे. शिक्षा सुनावताना न्यायालयाने म्हटले आहे की, महिलांवरील अत्याचार वाढत आहेत. महिला घराबाहेर तसेच घरात देखील असुरक्षीत आहेत. अशा प्रकरणात आरोपीला शिक्षा झाल्यास तो इतर लोकांसाठी एक मोठा धडा असेल. अशा आरोपींना शिक्षेची आवश्यकता असल्याचंही न्यायालयाने म्हटले आहे. संबंधित व्यक्ती हा पीडितेला ओळखत नसताना देखील अशी छायाचित्रे पाठवणं किंवा तिच्याशी बोलण्याचा प्रयत्न करणं चुकीचं असल्याचे देखील न्यायालयाने म्हटले आहे.

नेमकं प्रकरण काय?

हे प्रकरण 2016 मधील आहे. पीडिता आणि तिच्या पतीने केलेल्या दाव्यानुसार 26 जानेवारी 2016 च्या रात्री साडेअकरा वाजता संबंधित महिलेच्या व्हॉट्सअ‍ॅपवर एका अनोळखी नंबरवरून एकापाठोपाठ अनेक संदेश आले. ज्यामध्ये तू जेवली का? झोपलीस का? जेवण झालं का? तू खूप सुंदर दिसतेस बाहुलीसारखी असे एकापाठोपाठ अनेक संदेश पाठवण्यात आले होते. या प्रकरणात संबंधित नगरसेविकेने आणि तिच्या पतीने पोलीस ठाण्यात तक्रार दाखल केली होती. आता या प्रकरणात आरोपीला तीन महिन्यांच्या तुरुंगवासाची शिक्ष सुनावण्यात आली आहे.