मुंबई : मागील काही दिवसांपासून राज्यात कोरोना रुग्णांची (Corona) संख्या वाढताना दिसत आहे. रुग्णसंख्येसोतबच राज्यात ओमिक्रॉन (Omicron) या कोरोनाच्या नव्या रुपाने डोके वर काढले आहे. राज्यात ओमिक्रॉनचा संसर्ग वाढत असून खबरदारी घेण्याचे आवाहन करण्यात आले आहे. असे असतानाही ओमिक्रॉनचा प्रसार थांबण्याचे चिन्हं नाही. 2 जानेवारी रोजी ओमिक्रॉन व्हेरियंटची लागण झालेले 50 नवे रुग्ण आज राज्यात सापडले आहेत. त्यातील 36 रुग्णांची नोंद एकट्या पुण्यात झाली. तर पिंपरी-चिंचवडमध्ये 8 रुग्ण सापडले. राज्यात ओमिक्रॉनची लागण झालेल्या रुग्णांची एकूण संख्या आता 510 झाली आहे. त्यापैकी 193 जणांना डिस्चार्ज मिळाला आहे. आज पुन्हा एकदा ओमिक्रॉनबाधितांची संख्या वाढण्याची शक्यता आहे.
नवी मुंबईतील शाळाही 31 जानेवारीपर्यंत बंद राहणार आहेत. मुंबई पाठोपाठ नवी मुंबई पालिकेनंही वाढत्या कोरोना रुग्णसंख्येच्या पार्श्वभूमीवर हा निर्णय घेतला आहे. शाळांचे ऑफलाईन वर्ग बंद करण्यात येत असून शाळा पुन्हा ऑनलाईन सुरु राहणार आहेत. दरम्यान, दहावी बारावीचे वर्ग ऑफलाईन सुरु राहणार असल्याचंही सांगण्यात आलंय. सगळ्यात मुंबई महानगरपालिकेनं शाळांबाबत निर्णय जाहीर केला होता. त्यानंतर ठाण्यातही शाळांबाबतचा निर्णय घेण्यात आला होता. त्यानंतर आता लगेचच नवी मुंबईतही शाळांचे ऑफलाईन वर्ग बंद करण्याचा निर्णय घेण्यात आला आहे.
एकिकडे कोरोना तर दुसरीकडे ओमिक्रॉनचा कहर सुरूच आहे, राज्यात आज कोरोना रुग्णांनी 12 हजारांचा आकडा पार केला आहे, आज राज्यात 12 हजार 160 नवे कोरोना रुग्ण आढळून आले आहेत. त्यामुळे राज्य लॉकडाऊनच्या उंबरठ्यावर पुन्हा पोहोचले आहे. राज्यात आज ओमिक्रॉनचे 68 रुग्ण आढळले आहेत. मुंबई-40, पुणे-14 नागपूर- 4, पुणे ग्रामीण ,पनवेल प्रत्येकी 3 तर कोल्हापूर, नवी मुंबई, सातारा ,रायगड 1 रुग्ण, ही आजची आकडेवारी आहे. राज्यात आतापर्यंत 578 रुग्णांची नोंद झाली आहे. त्यापैकी 259 जणांना डिस्चार्ज मिळाला आहे. आज राज्यात 11 कोरोना रुग्णांचा मृत्यू झाल आहे.
परदेशातून आलेले 66 प्रवासी कोरोना पॉझिटिव्ह, गोव्याच्या आरोग्यमंत्र्यांची माहिती
पुणे : उपमुख्यमंत्री अजित पवारांच्या उपस्थितीत उद्या होणार कोरोना आढावा बैठक
– शहर आणि जिल्ह्यात वाढत्या कोरोना,ओमिक्रॉन रुग्णासंख्येमुळे नवे निर्बंध लावण्याची शक्यता
– गेल्या काही आठवड्यानंतर अजित पवार घेणार आढावा बैठक
– बैठकीला पुणे आणि पिंपरी चिंचवड महापालिकेचे अधिकारी उपस्थित राहणार.
नाशिक : विद्यार्थ्याला कोव्हॅक्सिनऐवजी दिली कोव्हिसील्ड लस
– येवला तालुक्यातील पाटोदा आरोग्य केंद्रातील धक्कादायक प्रकार
– या प्रकरणाची गंभीर दखल घेत संबंधितांवर आरोग्य विभागाने कारवाई करण्याची केली पालकाने मागणी