आंतरराष्ट्रीय इलेक्ट्रिक वाहन दिन : BMC चे इलेक्ट्रिक वाहन महापौर पेडणेकरांकडे सुपूर्द, पालिकेच्या ताफ्यात 5 EV

पर्यावरणपूरक इलेक्ट्रिक वाहने (EV) ही काळाची गरज असून नागरिकांनी पर्यावरणपूरक वाहनांचा अधिकाधिक वापर करावा या हेतूने बृहन्मुंबई महानगरपालिकेने आपल्या ताफ्यात 5 इलेक्ट्रिक वाहनांचा समावेश केला आहे.

आंतरराष्ट्रीय इलेक्ट्रिक वाहन दिन : BMC चे इलेक्ट्रिक वाहन महापौर पेडणेकरांकडे सुपूर्द, पालिकेच्या ताफ्यात 5 EV

मुंबई : पर्यावरणपूरक इलेक्ट्रिक वाहने (EV) ही काळाची गरज असून नागरिकांनी पर्यावरणपूरक वाहनांचा अधिकाधिक वापर करावा या हेतूने बृहन्मुंबई महानगरपालिकेने आपल्या ताफ्यात 5 इलेक्ट्रिक वाहनांचा समावेश केला आहे. आज आंतरराष्ट्रीय इलेक्ट्रिक वाहन दिवस असून या दिनाचे औचित्य साधून पहिले इलेक्ट्रिक वाहन बृहन्मुंबई महानगरपालिकेच्या परिवहन विभागाचे कार्यकारी अभियंता अजयकुमार यादव यांच्या हस्ते महापौर किशोरी पेडणेकर यांना महापौर निवासस्थानी आयोजित छोटेखानी कार्यक्रमात आज सुपूर्द करण्यात आले. (BMC’s electric vehicle handed over to Mayor Kishori Pednekar, 5 EV in the convoy of the BMC)

याप्रसंगी उपप्रमुख अभियंता (घ.क.व्य.) (परिवहन) सुनील सरदार, बृहन्मुंबई महानगरपालिकेच्या वीरमाता जिजाबाई भोसले उद्यान व प्राणी संग्रहालयाचे संचालक डॉ. संजय त्रिपाठी उपस्थित होते.

मनपाच्या ताफ्यात समावेश झालेल्या इलेक्ट्रिक वाहनांबाबत

बृहन्मुंबई महानगरपालिकेकडे असणाऱ्या वाहनांच्या ताफ्यात सध्या 966 वाहने आहेत. यामध्ये पेट्रोल, डिझेल यासारख्या खनिज तेलावर चालणाऱ्या वाहनांसह सीएनजी सारख्या पर्यावरणपूरक वाहनांचाही समावेश आहे. याच ताफ्यामध्ये आजपासून 5 इलेक्ट्रिक वाहनांचा देखील समावेश करण्यात आला आहे. ‘टाटा नेक्सॉन ईव्ही एक्सझेड प्लस’ व्हेहिकल असे मॉडेल नाम असणाऱ्या सदर पाचही कार या केंद्र सरकारच्या अखत्यारितील एनर्जी एफिशिएन्सी सर्व्हिसेस लि. या कंपनीकडून ‘ड्राय-लीज’ पद्धतीने खरेदी करण्यात आल्या आहेत.

ही वाहने ‘ड्राय-लीज’ पद्धतीने सवलतीच्या दरात खरेदी करण्यात आली असल्यामुळे सदर वाहनांसाठी दरमहा रुपये 27 हजार इतका खर्च असणार असून यामध्ये परिरक्षण व दुरुस्तीचा देखील समावेश आहे. सदर वाहनांमध्ये परंपारिक खनिज तेल वापरण्यात येत असल्यामुळे या वाहनातून हरित वायू, कार्बनडायऑक्साईड इत्यादी प्रतिकूल वायुंचे उत्सर्जन होत नाही. ही वाहने साधारणपणे पुढील ८ वर्षे महापालिकेच्या सेवेत असणार आहेत.

इतर बातम्या

टाटाची नवी 10 लाख रुपयांची एसयूव्ही, जाणून घ्या काय आहे नाव आणि कधी होणार लाँच

निसान किक्स एसयूव्हीवर एक लाख रुपयांची सूट, विशेष लाभमध्ये 2 ग्रॅम सोन्याचे नाणे देखील देतेय कंपनी

टेस्लाचे ‘फुल सेल्फ-ड्रायव्हिंग’ सॉफ्टवेअर या महिन्यात लाँच होणार, एक वर्षापासून सुरू आहे चाचणी

(BMC’s electric vehicle handed over to Mayor Kishori Pednekar, 5 EV in the convoy of the BMC)

Click on your DTH Provider to Add TV9 MARATHI