Noida Suicide : ग्रेटर नोएडामध्ये कस्टम अधिकाऱ्याची आत्महत्या, 25 व्या मजल्यावरून मारली उडी

नवी दिल्ली : ग्रेटर नोएडा (Greater Noida)त एका कस्टम अधिकाऱ्या (Custom Officer)ने इमारतीच्या 25 व्या मजल्यावरुन उडी घेऊ आत्महत्या (Suicide) केल्याची घटना रविवारी घडली आहे. मयत अधिकारी ठाणे बिसराख भागातील एका सोसायटीत राहत होता. शिरीष प्रधान (45) असे आत्महत्या करणाऱ्या कस्टम अधिकाऱ्याचे नाव आहे. घटनेची माहिती मिळताच पोलिसांनी घटनास्थळ गाठून पंचनामा केला. मृतदेह शवविच्छेदनासाठी रुग्णालयात पाठवण्यात आला आहे. प्रधान यांनी आत्महत्या का केली याबाबत अद्याप कळू शकले नाही. पोलीस याबाबत सखोल तपास आणि चौकशी करत आहेत.

पोलीस तपासानंतर आत्महत्येचे कारण स्पष्ट होईल

बिसरख परिसरातील सुपरटेक इको व्हिलेज-2 सोसायटीमध्ये प्रधान आपल्या कुटुंबीयांसोबत राहतात. रविवारी अचानक प्रधान यांनी 25 व्या मजल्यावरुन उडी घेत आत्महत्या केली. आत्महत्येचे कारण अद्याप समजू शकलेले नाही. पोलीस कुटुंबीय आणि आजूबाजूच्या लोकांची चौकशी करून माहिती गोळा करत आहेत. पोलीस तपासानंतरच आत्महत्येचे कारण स्पष्ट होईल, असे पोलिस आयुक्त आलोक सिंह यांनी सांगितले.

मानसिक तणावातून तिहेरी आत्महत्येच्या अन्य घटना

इकोटेक-3 परिसरातील हबीबपूर गावात राहणाऱ्या एका महिलेने मानसिक तणावातून आत्महत्या केल्याची घटना घडली आहे. रोली दिलीप (27) असे आत्महत्या करणाऱ्या महिलेचे नाव आहे. रोलीने राहत्या घरी पंख्याला गळफास घेऊन आत्महत्या केली. दुसरी घटना पोलीस स्टेशन फेज-2 परिसरात घडली आहे. फेज-2 परिसरातील रहिवासी प्रदीप रावत यांचा मुलगा पंकज रावत यानेही मानसिक तणावामुळे गळफास घेऊन आत्महत्या केल्याची घटना घडली आहे. तिसरी घटना सुरजपूर परिसरात घडली आहे. प्रेमात अशयस्वी झाल्यामुळे एका विद्यार्थ्याने राहत्या घरी पंख्याला गळफास घेत आत्महत्या केल्याची घटना घडली. रजनीकांत असे आत्महत्या करणाऱ्या विद्यार्थ्याचे नाव आहे. (Customs officer commits suicide by jumping from 25th floor in Greater Noida)