Milk Rates: महाराष्ट्राच्या कोणत्या जिल्ह्यात दुधाचे दर तब्बल 10 रुपयांनी वाढले? महागाईनं जगणं बेहाल!
Milk Rates hike in Maharashtra: महाराष्ट्रातील एका जिल्ह्यात तब्बल 10 रुपयांनी (Milk rates hike by 10 Rupees) वाढल्या आहेत. यामुळे सर्वसामान्यांचं बजेट कोलमडण्याची दाट शक्यता आहे.
संपूर्ण महाराष्ट्रालाच नव्हे तर देशालाही महागाईच्या (Inflation in India) झळा बसत आहेत. एकीकडे इंधन दरवाढीनं (Fuel rates increase) डोकं वर काढलं आहेत. त्याचा थेट फटका हा भाज्यांचे दर, फळांचे दर, दळणवळणाची साधनं, या सगळ्यांवर झालेला आहेत. महागलेल्या इंधनासोबत आता सर्वसामान्यांची चिंता वाढवणारी आणखी एक दरवाढ समोर आली आहे. रोजच्या वापरातून दुधाच्या किंमती महाराष्ट्रातील एका जिल्ह्यात तब्बल 10 रुपयांनी (Milk rates hike by 10 Rupees) वाढल्या आहेत. यामुळे सर्वसामान्यांचं बजेट कोलमडण्याची दाट शक्यता आहे. यातही म्हशीचं दूध हे आता 70 रुपये लीटर इतक्या उच्चांकी दरांवर पोहोचलं आहे. तर दुसरीकडे गायीचं दूधही पन्नास रुपयांवर पोहोचलं आहे. इंधन, भाज्या, फळं आणि किराणा मालासोबत दुधाच्या वाढलेल्या किंमतींनी सामान्यांचं जगणं बेहाल केलंय. वाढत्या महागाईत दुधाचीही दरवाढ करण्यात आली आहे. त्याला कारणही महागाईच आहे.
कुठे झाली दरवाढ?
महाराष्ट्रातील नंदुरबार जिल्ह्यात दुधाची दरवाढ करण्यात आली आहे. या दरवाढीनं नंदुरबारमधील लोकांना आता दूध खरेदीदरम्यान, तब्बल 10 रुपये जास्तीचे मोजावे लागणार आहेत. याचा फटका सामान्यांच्या खिशावर थेट होणार आहे.
किती झाले दर?
नंदुरबार जिल्ह्यातील सुट्या दुधाची किंमत 10 रुपयांनी वाढवण्यात आल्याची घोषणा प्रमुख दूध विक्रेत्यांनी केली आहे. त्यामुळे दुधाचे दर आता वाढून 50 आणि सत्तर रुपयांपर्यंत पोहोचले आहे. गायीच्या दुधाचे दर आधी 40 रुपये प्रतिलीटर इतके होते. मात्र आता वाढीव दरांनुसार ग्राहकांना गायीच्या एक लीटर दुधासाठी 50 रुपये मोजावे लागणार आहे. दर म्हशीच्या दुधाची किंमत ही 60 रुपयांवर 70 रुपये प्रतिलीटर इतकी झाली आहे.
गायीचं दूध :
- आधीचे दर – 40 रुपये प्रतिलीटर
- आताचे दर – 50 रुपये प्रतिलीटर
म्हशीच्या दूधाचे दर :
- आधीचे दर – 60 रु. प्रतिलीटर
- आताचे दर – 70 रु. प्रतिलीटर
10 रुपयांची वाढ का?
महाराष्ट्रात पेट्रोल आणि डिझेलचे दर गगनाला भिडले. त्यासोबत जिवनावश्यक गरजेच्या वस्तूंचे ही दरही वाढलेत. त्यामुळे सगळ्यांना आर्थिक संकटाला सामोरे जावे लागत आहे. नंदुरबारमध्ये गेल्या दोन वर्षात कोरोनामुळे दुधात भाववाढ करण्यात आली नव्हती. मात्र यंदा दुष्काळामुळे महागलेला चारा आणि त्यातच गायी म्हशीच्या ढेप आणि खाद्यपदार्थांचे दर महागल्यामुळे दुधाच्या किंमती वाढवण्यात आल्या आहेत, असं दूध विक्रेत्यांनी म्हटलंय. त्यामुळे इंधन, तेल, किराणामालापाठोपाठ गरेजच्या दुधासाठी आता सर्व सामान्यांना खिशावर अतिरीक्त भार पडणार आहे.
संबंधित बातम्या :
13 दिवसांत पेट्रोल 8 रुपयांनी महाग, जाणून घ्या तुमच्या शहरातील आजचा पेट्रोल डिझेलचा भाव
दोघांच्या भांडणात बँकांचे कोट्यवधींचे नुकसान… कोण आहेत ते दोन धनाढ्य…
पाहा महाराष्ट्रातली महत्त्वाची बातमी:
