Iran War News : युद्धाच्या आडून स्वत:च्या फायद्यासाठी पुतिनच इराणचा मोठा गेम करण्याच्या तयारीत का? युद्धातलं पॉलिटिक्स
Iran War News : युद्धात फक्त परस्परांवर हल्ले-प्रतिहल्ले होत नाहीत, तर पडद्यामागे एक राजकारण चालतं. त्यात स्वहित जास्त पाहिलं जातं. सध्या सुरु असलेल्या मध्य पूर्वेतील युद्धाला असेच अनेक कंगोरे आहेत. आता रशियाला स्पष्टीकरण द्यावं लागलं आहे.
अमेरिकेने जर युक्रेनला रशिया बाबत गोपनीय माहिती देणं थांबवलं, तर रशिया सुद्धा इराणला अशी मदत थांबवेल. क्रेमलिनने असा प्रस्ताव दिलाय. अशी एक बातमी सुरु आहे. अमेरिकी मिडिया पॉलिटिकोमध्ये या संबंधीचं वृत्त प्रसिद्ध झालय. मागच्या आठवड्यात मियामी येथे व्लादीमीर पुतिन यांचे दूत किरील दिमित्रीव आणि ट्रम्प प्रशासनातील अधिकारी स्टीव्ह विटकॉफ, जेरार्ड कुशनर यांच्यात एक बैठक पार पडली. त्यावेळी पुतिन यांच्याकडून ही ऑफर देण्यात आल्याचं बातमीत म्हटलं आहे. रशियाने मात्र हे वृत्त फेटाळून लावलं आहे. रशियाने फेब्रुवारी 2022 मध्ये युक्रेन विरुद्ध युद्ध पुकारलं. तेव्हापासून अमेरिका युक्रेनला रशियन सैन्याच्या पोजिशनची माहिती देत आहे. आता रशिया सुद्धा इराणी सैन्याला अमेरिकेच्या सैन्य पोजिशनची माहिती देतो. त्यामुळे इराणला अचूक मिसाइल हल्ले करणं शक्य होत आहे.
ही सर्व उपग्रह आधारित माहिती आहे. दिमित्रीव यांनी अमेरिकेला अशी कुठली ऑफर दिल्याची माहिती फेटाळली आहे. हे वृत्त निराधार, चुकीचं असल्याचं एक्सवरच्या पोस्टमध्ये म्हटलं आहे. रिपब्लिकन खासदार अन्ना पॉलिना यांनी या वृत्ताबद्दल पॉलिटिकोवर टीका केली आहे. “पॉलिटिकोला व्हाइट हाऊसमध्ये प्रवेश नाहीय. अंतर्गत चर्चा किंवा रशियासोबतच्या शांतता चर्चांबद्दल काही माहिती नाहीय. अमेरिका आणि रशियामधील तणाव वाढवण्याच्या त्यांच्या या प्रयत्नाकडे दुर्लक्ष करा” असं पॉलिना यांनी म्हटलं आहे.
— Kirill Dmitriev (@kadmitriev) March 20, 2026
रशिया इराणला काय मदत देतोय?
युद्ध सुरु झाल्यापासून रशिया इराणला अमेरिकी युद्धनौका आणि मध्य पूर्वेतील विमानांच्या लोकेशन्सची माहिती देत आहे असं वृत्त या महिन्याच्या सुरुवातीला द वॉशिंग्टन पोस्टने दिलं होतं. क्रेमलिन म्हणजे रशियाने त्यावेळी सुद्धा ही बातमी फेटाळून लावलेली. 28 फेब्रुवारीला युद्ध सुरु झालं. तेव्हापासून रशिया मानवी दृष्टीकोनातून इराणला मदत करत आहे. पण इराणला काय मदत करतायत त्यावर जाहीरपणे बोलणं रशियाने टाळलं आहे.
Politico Europe is a mouthpiece for the pro-war machine in Ukraine. They have no access to the White House or to any information regarding internal discussions or peace talks with Russia. Please disregard their attempts to increase tensions between Russia and the United States.…
— Rep. Anna Paulina Luna (@RepLuna) March 20, 2026
शाहेद ड्रोन्स दिले
युक्रेन विरुद्ध युद्धात इराण रशियाचा मुख्य सहकारी बनला होता. युद्ध सुरु झाल्यानंतर इराणने मॉस्कोला युक्रेनियन शहरांवर डागण्यासाठी शाहेद ड्रोन्स दिले. त्यामुळे आता इराणवर वेळ आल्यानंतर रशिया त्या मदतीची परतफेड करणार हे सुद्धा तितकच खरं आहे.
