Video : मी तिजोरी नाही उघडली तर काय देणार “घंटा”? अजित पवारांची गाडी पुन्हा घसरली, मान्यही केलं
अजित दादा ग्रामीण बाजात बोलताना कधी कधी भलतच बोलून जातात (Ajit Pawar Statement). याची प्रचिती याआधीही महाराष्टाला आली आहे. त्यांच्या काही वादग्रस्त वक्तव्याचा मनस्ताप त्यांनाही झाला आहे.
नावीद पठाण : राज्याचे उपमुख्यमंत्री अजित पवार (Ajit Pawar) त्यांच्या बेधडक वक्तव्यांसाठी नेहमी चर्चेत असतात. मात्र अजित दादा ग्रामीण बाजात बोलताना कधी कधी भलतच बोलून जातात (Ajit Pawar Statement). याची प्रचिती याआधीही महाराष्टाला आली आहे. त्यांच्या काही वादग्रस्त वक्तव्याचा मनस्ताप त्यांनाही झाला आहे. ते त्यांनी भर सभेत अनेकदा बोलूनही दाखवलं आहे. सकाळी सातच्या आत मिटिंग घेणारा आणि धडाडीने काम करणारा नेते म्हणून अजित पवारांची ओळख आहे. मात्र हे अजित पवार तेवढ्याच धडाडीने स्टेजवर बोलतात. भर सभेत अजित पवार अनेकदा विरोधकांना ओपन चॅलेंज देतात. त्यांनी विजय शिवतारेंना (Ajit Pawar On Vijay Shivtare) पुन्हा आमदार न होऊन देण्याचं दिलेलं चॅलेंज अजूनही लोक विसले नाहीत. ते फक्त चॅलेंजच देत नाहीत. तर ते खरंही करून दाखवतात. मात्र कधी कधी बोलता बोलता दादांची गाडी एका ट्रॅकवरून कधी दुसऱ्या ट्रॅकवर जाते हे त्यांनाही कळत नाही. आज बारामतीतल्या सभेत पुन्हा त्याची प्रचिती आली आहे.
…तर काय देणार घंटा?
त्या भागातील निधी वाटपाबाबत बोलतना अजित पवार आज पुन्हा घसल्याचे पहायला मिळालं. विषय होता निधीवाटपाचा ती सगळी सुत्र सध्या आमदार दत्ता भरणे यांच्याकडे सोपण्यात आली आहे. त्यामुळे मामा इतर आमदारांचाही विचार करत जा, इतरांनाही निधी, असे सांगताना अजित पवार म्हणाले. मलाही भरणेंना निधी मागावा लगतो. कारण इथल्या तिजोरीच्या चाव्या माझ्या हातात आहेत. यावर पुढे बोलताना अजित पवार म्हणाले. इथल्या तिजोरीच्या चाव्या भरणेंच्या हातात असल्या तरी राज्याच्या तिजोरीच्या चाव्या माझ्या हातात आहेत. मी तिजोरी नाही उघडली तर काय देणार “घंटा”? अजित पावारांनी असे म्हणताच समोर बसलेल्या कार्यकर्त्यांमद्ये हशा पिकला. त्यानंतर सावरत अजित पवारांनीच मान्य केलं की आता बोलता बोलता गाडी घसरायला लागली आहे. आणि पुन्हा ते ट्रॅकवर आले.
आधीची विधानेही चर्चेत
काही वर्षांपूर्वी अजित पवारांनी धरणातल्या पाणीसाठ्यावरून केलेल वक्तव्य अजूनही लोकांच्या लक्षात आहे. विरोधकांकडून तर वारंवार ठेवणीतल्या अस्त्रासारखा त्या वक्तव्याचा वापर होतो. अनेक नेत्यांची वादग्रस्त विधान अजूनही चर्चेत असतात. अजित पवारांच्या त्या विधानालाही महाराष्ट्र अजून विसरला नाही, आणि कदाचित पुढेही विसरणार नाही. पण आता अजित पावर घसरले तरी सावरत पुन्हा ट्रॅकवर येतात. अजित पवारांच्या या वक्तव्यानंतर मात्र काही काळ कार्यकर्त्यांना हसू आवरेना झालं.
