फळं ताजी आहेत की खराब? खरेदीपूर्वी या गोष्टी नक्की तपासा, नाहीतर..
फळं खरेदी करताना ती ताजी आहेत की खराब होत आहेत हे ओळखणे महत्त्वाचे आहे. अनेकदा बाहेरून चांगले दिसणारे फळ आतून सडलेले असू शकते. अशा परिस्थितीत फळं खरेदी करताना त्यांचा ताजेपणा कसा ओळखावा, हे जाणून घेऊया.
बाजारातून फळं खरेदी करताना अनेक लोकांना फळ खराब आहे की चांगलं, हे नीट ओळखता येत नाही. बाहेरून चांगलं दिसणारं फळ हे आतून सडलेलं किंवा खराब झालेलं असू शकते.
सफरचंद खरेदी करताना ते कडक असावे याची काळजी घ्या. त्यामुळे ते हलकेच दाबून तपासा. मऊ किंवा पिचलेलं सफरचंद आतून सडलेलं किंवा जुनं असू शकतं. तसेच आकाराच्या तुलनेत थोडे जड सफरचंद अधिक रसदार असण्याची शक्यता असतं.
नैसर्गिकरीत्या पिकलेल्या पपईवर पिवळ्या आणि हिरव्या रंगाचे डाग दिसतात. तर रसायनांच्या मदतीने पिकवलेली पपई गरजेपेक्षा जास्त चमकदार, एकसारखी पिवळी किंवा नारिंगी रंगाची दिसते. तसेच त्यावर नैसर्गिक हिरवे-पिवळे डाग किंवा पॅच दिसत नाहीत.
नासपती खरेदी करताना त्यावर लाल किंवा फिकट तपकिरी रंगाचा नैसर्गिक पॅच दिसतो आहे का, हे पाहा. अगदी हिरव्या रंगाची नाशपती खरेदी करणं टाळावं.
नेहमी असा अननस निवडा ज्यावर पिवळ्या रंगाचा नैसर्गिक पॅच दिसतो. हे फळ पिकण्यास सुरुवात झाल्याचे संकेत आहे आणि ते आतून गोड व रसाळ असण्याची शक्यता असते.
( डिस्क्लेमर : या बातमीत देण्यात आलेली माहिती सामान्य माहितीनुसार आहे. TV9 मराठी याची पुष्टी करत नाही.)
