AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

धनंजय मुंडे आणि सुरेश धस यांच्या भेटीनंतर धनंजय देशमुख यांचा निर्वाणीचा इशारा; म्हणाले, तर अख्खं कुटुंबच…

मस्साजोगमध्ये उद्या गावकऱ्यांची बैठक आहे. गावकऱ्यांची भूमिका काय आहे? पुढची दिशा काय आहे? हे तुम्हाला गावकरी सांगतील, असं सांगतानाच सुरेश धस यांची आक्रमक भूमिका कायम राहिली पाहिजे हीच गावकऱ्यांची अपेक्षा आहे. न्यायासाठी सर्वांनी सोबत राहून आम्हाला न्याय दिला पाहिजे. आरोपींना फाशी दिली पाहिजे, ही आमची भावना आहे, असं धनंजय देशमुख म्हणाले.

धनंजय मुंडे आणि सुरेश धस यांच्या भेटीनंतर धनंजय देशमुख यांचा निर्वाणीचा इशारा; म्हणाले, तर अख्खं कुटुंबच...
dhananjay deshmukhImage Credit source: tv9 marathi
| Updated on: Feb 16, 2025 | 3:05 PM
Share

भाजपचे आमदार सुरेश धस यांनी राष्ट्रवादीचे नेते धनंजय मुंडे यांच्या भेटीवरून चर्चा सुरू असतानाच धनंजय देशमुख यांनी प्रतिक्रिया व्यक्त केली आहे. धस आणि मुंडे यांच्या भेटीने मनात चलबिचल नाही. गाव आहे, लोकप्रतिनिधी आहेत, या लढ्याला त्यांनी स्वतःच्या अंगावर घेतलं आहे. या प्रकरणात कुणीही दगाफटका करू नये, एकही आरोपी सुटता कामा नये ही आमची प्रामाणिक अपेक्षा आहे. एखादा आरोपी सुटणार आहे, असं जेव्हा आम्हाला वाटले. त्यावेळी मी आणि माझे कुटुंब टोकाचं पाऊल उचलणार आहे, असा गंभीर आणि निर्वाणीचा इशाराच धनंजय देशमुख यांनी दिला आहे. ते मीडियाशी बोलत होते.

धनंजय मुंडे आणि सुरेश धस यांच्या भेटीनंतर सुरेश धस यांचा गेम झाला की धस यांचा गेम केला गेलाय? असा सवाल धनंजय देशमुख यांना करण्यात आला. त्यावरही त्यांनी प्रतिक्रिया व्यक्त केली आहे. यामध्ये काय आहे ते सिद्ध होईल. आमचा एकच प्रश्न आहे आम्हाला न्याय पाहिजे. आमची न्यायाची भूमिका आहे. आम्हाला न्याय पाहिजे, आम्ही दुसऱ्या चर्चा करत बसलो तर हा विषय दुसरीकडे जाईल, असं धनंजय देशमुख म्हणाले.

एक वाक्यही चुकीचं नाही

आम्हा देशमुख कुटुंबीयांना न्याय हवा आहे. त्यासाठी सर्व घटकांची आम्हाला खूप गरज आहे. मनोजदादा आले नसते तर हा खून आठ ते दहा दिवसात त्यांनी पचवला असता, असंही ते म्हणाले. तसेच मनोज जरांगे पाटील यांनी धस यांच्यावर टीका केली. त्यावरही धनंजय देशमुख यांनी भाष्य केलं. यात दादाची (मनोज जरांगे) भावना मोठी आहे. या प्रकरणातील एकही आरोपी सुटू नये म्हणून त्यांनी त्यांच्या भावना व्यक्त केल्या. यात काहीही चूक नाही. समाजात अशी दुसरी घटना होऊ नये म्हणून ते बोलतात. यात त्यांचं एकही वाक्यही चुकीच नाही, असं देशमुख यांनी सांगितलं.

त्याची मोठी गँग असेल

कृष्णा आंधळेची मालमत्ता जप्त करण्याचे आदेश देण्यात आले आहेत. त्यावरही त्यांनी भाष्य केलं. ज्या दिशेने तपास सुरू आहे, तो योग्य दिशेने सुरू आहे. फरार आरोपीला लवकरात लवकर अटक करावी ही आमची मागणी आहे. कृष्णा आंधळे फरार असल्यामुळे याच्यात जर कुठे कच्चा दुवा तयार झाला तर याची जिम्मेदारी कोण घेणार? कृष्णा आंधळेनी किती पुरावे नष्ट केलेत? त्याने काय काय प्रकरण केले? त्याची अगोदरची सगळी पार्श्वभूमी काय होती? या सगळ्या प्रश्नावर यंत्रणेला घेराव घातल्याशिवाय लोक राहणार नाहीत. कृष्णा आंधळे फरार असताना पोलीस यंत्रणे सोबत त्याची हात मिळवणी होती. तो पोलिसांच्या हाती लागला तर महत्त्वाचे पुरावे हाती येणार आहेत. प्रत्येक आरोपी सराईत आहे. कृष्णा आंधळे गंभीर गुन्हेगार असूनही त्याचे मित्र व्हाट्सअपला, इन्स्टॉल स्टेटस ठेवत आहेत. दहशत निर्माण करण्याची डेअरिंग करतात. त्याची पण मोठी गँग असणार आहे पाठीमागे, असा दावाही त्यांनी केला.

ज्याने पोसलं, त्याचंच अभय

कृष्णा आंधळे कुणाच्या संपर्कात आहे असं वाटतं का? असा सवाल धनंजय यांना करण्यात आला. त्यावरही त्यांनी प्रतिक्रिया व्यक्त केली. तो संपर्कात आहे की नाही ते माहीत नाही, मात्र कृष्णा आंधळेला ज्याने कोणी पोसल होतं, त्यांचं मात्र त्याला अभय आहे. पाठीराख्यांनी कृष्णा आंधळेला अभय दिल असावं. ह्या घटना एकदम बरोबर आहेत, तुम्ही त्या करा, आम्ही तुमच्या पाठीशी आहोत, असं पाठबळ कुणी तरी दिलं असेल, असंही ते म्हणाले.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी