मोठमोठे गार केले…. वैभवपेक्षाही लहान वयात कमाल केली; 11 वर्षांच्या युकीनं आशियाई स्पर्धेत जिंकलं सुवर्णपदक

Yuki Kurihara

आशियाई क्रीडा 2026 मध्ये जपानच्या युकी कुरिहारा याने ई-स्पोर्ट्स पुयो-पुयो चॅम्पियनशिपमध्ये सुवर्णपदक जिंकले आहे. सगळ्यात आश्चर्यकारक गोष्ट म्हणजे तो फक्त 11वर्षाचा आहे. तो शाळेमध्ये शिकतो आहे. विषेश बाब म्हणजे त्याने विरोधी खेळाडूला 10-2 ने हरवलं आहे. त्याचवेळी सेमीफायनलमध्येही 10-1 च्या अंतराने विजय मिळवला आहे. या खेळामध्ये त्याला काही चॅलेंजच नाही, असं म्हटलं जात आहे. कारण की पूर्ण स्पर्धेदरम्यान त्याला कोणीही चॅलेंज देऊ शकलेलं नाही.

भारताचा वैभव सूर्यवंशी हा क्रिकेटच्या मैदानावर गाजतो आहे. तो सर्वात कमी वयाचा भारतीय क्रिकेटपटू आहे. असं असतानाही तो आंतरराष्ट्रीय स्तरावरील खेळाडूंशी स्पर्धा करतो आहे. तो मोठ्या खेळाडूंनाही मोठे फटके मारून गार करतो आहे. पण जपानचा युकी हा फक्त 11 वर्षांचा असून तो आशियाई स्पर्धेमध्ये सुवर्णपदक जिंकलाय. तो वैभवप्रमाणे मोठ्या वयाच्या खेळाडूंशी भिडत मैदानात नाही. पण ई-स्पोर्ट्स पुयो-पुयोचा नवा चॅम्पियन म्हणून उदयास नक्कीच आला आहे. हा खेळ संगणक किंवा खास कन्सोलवर खेळला जातो.

मी दिवसभर बसून गेम खेळतो…

युकी सध्या शाळेत आहे. तो अभ्यासासोबतच दिवसातील तब्बल आठ तास गेम खेळण्यात घालवतो. हाच त्याचा सराव आहे. तो या खेळात इतका पारंगत झाला आहे की संपूर्ण आशियाई क्रीडा स्पर्धेत कोणताही खेळाडू त्याला आव्हान देऊ शकलेला नाही. त्याने अंतिम सामना 10-2 अशा फरकाने, तर उपांत्य फेरीचा सामना 10-1 अशा फरकाने जिंकला. यावरून गट फेरीतील त्याच्या कल्पकतेची कल्पना येतेय.

त्यांच्या दुप्पट वयाच्या खेळाडूंना पूर्णपणे नेस्तनाबूत केले

अंतिम सामन्यात त्याने दक्षिण कोरियाच्या कांग डोंगशिनचा पराभव केला. उपांत्य फेरीत त्याने थायलंडच्या तनारक वोंगकिटिकुनचा पराभव केला. विशेष म्हणजे, तनारक वोंगकिटिकुन २८ वर्षांचा आहे, म्हणजेच तो युकीच्या वयाच्या अडीच पट आहे. आशियाई क्रीडा स्पर्धेत सुवर्णपदक जिंकणाऱ्या सर्वात तरुण खेळाडूची कोणतीही अधिकृत नोंद नसली तरी, युकीला सर्वात तरुण सुवर्णपदक विजेता मानले जाते, कारण यापूर्वी इतक्या लहान वयात कोणत्याही खेळाडूने पदक जिंकलेले नाही.