तुमचं आधार कार्ड बनावट आहे का? एका मिनिटात तपासून पाहा

मुंबई: सध्याच्या काळात अगदी सीमकार्ड, रेशनकार्डपासून ते जवळपास प्रत्येक आर्थिक व्यवहारासाठी आधारकार्ड ही अनिवार्य गोष्ट आहे. त्यामुळे आधार कार्डाच्याबाबतीत (Aadhaar Card) कोणताही गैरप्रकार होणे परवडणारे नसते. अनेकदा लोकांना आपले आधारकार्ड बनावट आहे, हेदेखील माहिती नसते. एखाद्या कामासाठी आधार कार्डाचा वापर करायला गेल्यानंतर ही बाब त्यांच्या लक्षात येते. त्यामुळे या लोकांची ऐनवेळी फसगत होते. हा प्रकार टाळण्यासाठी तुम्ही स्वत:चे आधार कार्ड खरे किंवा खोटे आहे, हे तपासून पाहू शकता.

भारतीय युनिक आयडेंटिफिकेशन ऑथॉरिटीकडून (UIDAI) यासंदर्भात काही सूचना जारी करण्यात आल्या आहेत. त्यानुसार तुम्ही ऑनलाईन किंवा ऑफलाईन पद्धतीने आधार कार्डाची पडताळणी करु शकता. ऑफलाईन व्हेरिफिकेशनसाठी QR कोड स्कॅन करावा लागेल. तर ऑनलाईन व्हेरिफिकेशनसाठी resident.uidai.gov.in/verify या लिंकवर क्लिक करावे लागेल. याठिकाणी जाऊन तुमचा 12 अंकी आधार कार्ड क्रमांक टाकून आधारच्या अस्सलपणाची खात्री करता येईल.

आधार कार्डाची पडताळणी कशी कराल?

* सर्वप्रथम uidai.gov.in/verify या थेट लिंकवर लॉगिन करा. * पेज ओपन झाल्यानंतर तुम्हाला समोर टेक्स्ट बॉक्स दिसेल. त्यामध्ये तुमचा 12 अंकी आधार क्रमांक टाका. * त्यानंतर कॅप्चा कोड टाका. * यानंतर व्हेरिफाई बटणावर क्लिक करा. * तुमचा आधार क्रमांक योग्य असल्याचा एक मेसेज पेजवर डिस्प्ले होईल. त्यामध्ये नमूद केलेल्या आधार क्रमांकाची पडताळणी करुन घ्या. * याशिवाय, तुमचा खासगी तपशीलही या पेजवर दिसेल.

मास्क्ड आधारकार्ड म्हणजे काय?

eaadhaar.uidai.gov.in/ या संकेतस्थळावर लॉगइन करुन तुम्ही नियमित आणि मास्क्ड आधार कार्ड डाऊनलोड करु शकता. मास्क्ड आधार कार्डावर केवळ शेवटचे चार क्रमांक दिसतात. तुम्ही हव्या त्या प्रकारे आधारकार्ड डाऊनलोड करु शकता.

इतर बातम्या : 

महागाईचा भडका, इंधनदरवाढीपाठोपाठ खाद्यतेलाच्या किंमती गगनाला, दर काय?

लाखभर पगार असूनही बचत शून्य, जाणून घ्या गुंतवणूकीच्या सोप्या टिप्स

मॅनेजमेंट बदलताच ‘या’ कंपनीचे शेअर होल्डर्स मालामाल, एका शेअरची किंमत 100 रुपयांहून कमी