मुंबईत ड्रग्जविरोधी कारवायांचं सत्र सुरुच, डोंगरी परिसरातून 1 कोटीचे ड्रग्ज जप्त

डोंगरी परिसरात अंमली पदार्थ विरोधी पथकाने मोठी कारवाई केली आहे. या कारवाईत 1 कोटी 10 लाखांचे ड्रग्ज जप्त करण्यात आले आहे.

Nupur Chilkulwar | Updated on: Dec 12, 2020 | 4:46 PM

मुंबई : मुंबईत अंमली पदार्थविरेधी पथकाने मोठी कारवाई करत तब्बल 1 कोटी 10 लाखांचे ड्रग्ज (Drugs Seized In Dongari) जप्त केले आहेत. या कारवाईत एकूण 1 कोटी 18 लाख 78 हजार रुपये जप्त करण्यात आले आहे. तसेच, एका महिलेलाही अटक करण्यात आले आहे (Drugs Seized In Dongari).

डोंगरी परिसरात अंमली पदार्थ विरोधी पथकाने मोठी कारवाई केली आहे. या कारवाईत 1 कोटी 10 लाखांचे ड्रग्ज जप्त करण्यात आले आहे. त्यासोबतच 8 लाख 78 हजारांची रोकडही हस्तगत करण्यात आली आहे. अशी एकूण 1 कोटी 18 लाख 78 हजार रुपये जप्त करण्यात आले आहेत.

या कारवाईत सनम तारीक सय्यद या 25 वर्षांच्या महिलेला ड्रग्ज आणि रोख रक्कमेसहित अटक करण्यात आली आहे. डोंगरीतल्या फेब हाऊसमध्ये धाड टाकून ही कारवाई करण्यात आली आहे.

या कारवाईत 1 किलो 105 ग्रॅम मेफीड्रॉन नावाचे ड्रग्ज जप्त करण्यात आले आहेत. गेल्या महिन्याभरात लाखो, करोडो रुपयांच्या ड्रग्जतस्करीत सहभागी असणाऱ्या दोन महिलांना अंमली पदार्थ विरोधी पथकाने बेड्या ठोकल्या आहेत.

गेल्या काही महिन्यांपासून ड्रग्ज संबंधी अनेक कारवाया समोर येत आहेत. यामध्ये अनेक बड्या बॉलिवूड कलाकारांचीही नावं समोर आली आहेत. त्यानंतर सतत ड्रग्ज पॅडलर्सविरोधी कारवायांचं सत्र सुरुच आहे.

मुंबई विमानतळावर तब्बल 18 कोटींचे कोकेन जप्त, आफ्रिकेतील तस्कराला बेड्या; महिन्याभरातील दुसरी मोठी कारवाईhttps://t.co/ALIXQAXsC8 #mumbai #drugscase #drug #DRUGS

— TV9 Marathi (@TV9Marathi) November 25, 2020