AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

आम्ही चुकलो.. मुलाचं नाव ‘जहांगीर’ का ठेवलं सांगत चिन्मय मांडलेकरच्या पत्नीचं ट्रोलर्सना सडेतोड उत्तर

अभिनेता चिन्मय मांडलेकरच्या पत्नीने सोशल मीडियावर एक व्हिडीओ पोस्ट केला आहे. मुलाचं नाव 'जहांगीर' ठेवल्यावरून त्यांना सतत ट्रोल करण्यात येत आहे. या ट्रोलिंगला अखेर नेहाने प्रत्युत्तर दिलं आहे.

आम्ही चुकलो.. मुलाचं नाव 'जहांगीर' का ठेवलं सांगत चिन्मय मांडलेकरच्या पत्नीचं ट्रोलर्सना सडेतोड उत्तर
Chinmay Mandlekar, Neha MandlekarImage Credit source: Instagram
| Updated on: Apr 21, 2024 | 3:16 PM
Share

अभिनेता चिन्मय मांडलेकरने त्याच्या मुलाचं नाव ‘जहांगीर’ ठेवल्याने प्रचंड ट्रोल करण्यात येत आहे. ‘भारत सोडून जा, अफगाणिस्तान किंवा पाकिस्तानात राहायला जा’, असे मेसेज चिन्मय आणि त्याची पत्नी नेहा मांडलेकर यांना येत आहेत. या ट्रोलिंगला अखेर प्रत्युत्तर द्यायचं नेहाने ठरवलं आणि इन्स्टाग्रावर तिने एक व्हिडीओ पोस्ट केला आहे. या व्हिडीओमध्ये नेहाने तिच्या मुलाचं नाव ‘जहांगीर’ का ठेवलं, त्याचा खरा अर्थ काय आणि कोणावरून ठेवलं हे सर्व सविस्तर सांगितलं आहे. त्याचप्रमाणे ट्रोलर्सना सडेतोड उत्तर दिलं आहे.

काय म्हणाली नेहा मांडलेकर?

“सर्वांत आधी मी माझी जात सांगते, कारण सध्या ती सगळ्यात महत्त्वाची आहे. माहेरकडून मी देशस्थ ब्राह्मण आहे. सासरकडून मी द्वेष्टा कासार आहे. मी हिंदू आहे. माझे पती चिन्मय मांडलेकर हेसुद्धा हिंदूच आहेत. काही दिवसांपूर्वी त्याने एक मुलाखत दिली होती. या मुलाखतीनंतर आम्ही प्रचंड ट्रोलिंगला सामोरं जातोय. माझे पती हे पब्लिक फिगर असल्याने रसिक मायबापांना जर त्यांचं काम नाही आवडलं तर कानउघडणी करण्याचा हक्क आहे. पण सध्या ही ट्रोलिंग त्याच्या कामाबद्दल होत नाहीये. तर ही ट्रोलिंग आमच्या मुलाच्या नावावरून होतेय”, असं तिने सांगितलं.

मुलाचं नाव जहांगीर का ठेवलं याविषयीही तिने पुढे सांगितलं. ‘जहांगीर हे पर्शियन नाव आहे. माझ्या मुलाचा जन्म 21 मार्च 2013 ला झाला. 21 मार्च रोजी जमशेदी नवरोज असतो. म्हणतो त्याचं नाव जहांगीर ठेवलं. या नावाचा अर्थ खूप सुंदर आहे. जहांगीर म्हणजे जगज्जेता. जग जिंकलेला जहांगीर. मी माझ्या दोन्ही मुलांची नावं त्याचा अर्थ फार गोड आहे म्हणून ठेवली आहेत. शिवाय भारतरत्न जेआरडी टाटा यांचंही नाव जहांगीर असं आहे. टाटा कुटुंब हे माझ्या आणि माझ्या नवऱ्यासाठी प्रेरणादायी आहे. ते नाव मला आवडलं, म्हणून मी जहांगीर असं ठेवलं. आता सुचवणारे लोक असेही सुचवतील की जगज्जेता तर मग तुम्ही पृथ्वीराज किंवा विक्रमादित्य का नाही ठेवलं? तर आपल्या मुलाचं नाव काय ठेवावं, हा हक्क एक पालक म्हणून आम्हाला आहे’, असं ती पुढे म्हणाली.

जहांगीर हे मुस्लीम नाव आहे असं म्हणत अनेकांनी ट्रोल केलं. त्यालाही नेहाने उत्तर दिलं आहे. ती म्हणाली, “आपण शतकानुशतके मुस्लीम बांधवांसोबत राहतो. आपले अनेक सुपरस्टार्स आणि क्रिकेटर्सदेखील मुस्लीम आहे. माझ्या नवऱ्याने बिट्टा कराटे पात्र साकारलं. तर म्हणाले, रोल फारच गांभीर्याने घेतला वाटतं. म्हणून मुलाचं नाव मुस्लीम ठेवलं. पण बिट्टा कराटेचं पात्र साकारायच्या आठ वर्षे आधी आम्ही आमच्या मुलाचं नाव ठेवलं होतं. छत्रपती शिवाजी महाराजांची भूमिका केली तर म्हणतात की हा स्क्रीनवर जिरेटोप घालतो. पण खऱ्या आयुष्यात मुलाचं नाव जहांगीरच ठेवलं. तर स्क्रीनवर जिरेटोप घालण्याआधीच माझ्या मुलाचा जन्म झाला. मुलाचं नाव जहांगीर ठेवून आम्ही काय चूक केली नाही.”

“मी उभ्या महाराष्ट्राची माफी मागते की आम्ही आमच्या मुलाचं नाव जहांगीर ठेवूनसुद्धा स्क्रीनवर छत्रपती शिवाजी महाराजांची भूमिका साकारण्याचं धाडस केलं. आम्हाला क्षमा करा, आमची चूक झाली. आम्हाला वाटलेलं की महाराज हे एका नटाच्या नावाच्या पलीकडचे आहेत. त्यांचं काम, त्यांचं चरित्र खूप मोठं आहे. हे लोकांपर्यंत पोहोचवता आलं नाही, इथे आम्ही चुकलो. या स्पष्टीकरणानंतरही ट्रोलिंग थांबणार नाही हे मला माहीत आहे. पण माझ्याकडून मी माझ्ं काम केलंय”, असं त्यांनी स्पष्ट केलं.

याआधीही चिन्मय मांडलेकरला त्याच्या मुलाच्या नावावरून ट्रोल करण्यात आलं होतं. तेव्हासुद्धा चिन्मयने उत्तर देऊन ट्रोलर्सचं तोंड बंद केलं होतं.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी