टुलकिट प्रकरण भोवलं; भाजप नेते संबित पात्रांवर ट्विटरची कारवाई
गेल्या काही दिवसांपासून काँग्रेस आणि भाजपमध्ये टुलकिट प्रकरणावरून वाद सुरू आहेत. (BJP spokesperson Sambit Patra’s toolkit tweet tagged ‘manipulative’)
नवी दिल्ली: गेल्या काही दिवसांपासून काँग्रेस आणि भाजपमध्ये टुलकिट प्रकरणावरून वाद सुरू आहेत. या प्रकरणी ट्विटरने भाजपचे नेते, प्रवक्ते संबित पात्रा यांच्यावर कारवाई केली आहे. ट्विटरने पात्रा यांच्या या ट्विटला ‘मॅनिप्युलेटेड मीडिया’ म्हटलं आहे. म्हणजे संबित पात्रा यांनी केलेलं ट्विट हे तथ्यात्मकदृष्ट्या योग्य नसल्याचं ट्विटरने म्हटलं आहे. (BJP spokesperson Sambit Patra’s toolkit tweet tagged ‘manipulative’)
ट्विटरने टुलकिट प्रकरणी कारवाई करताना संबित पात्रा यांच्या ट्विटला टमॅनिप्युलेटेड मीडिया मार्कट केलं आहे. ट्विटर पॉलिसीनुसार एखाद्या ट्विटची माहिती अचूक नसेल आणि उपलब्ध माहितीही चुकीची असेल तर अशा प्रकारचा लेबल लावला जातो. व्हिडीओ, ट्विट, फोटो किंवा इतर कोणत्याही कंटेन्टमध्ये हे लेबल लावले जाते. या आधी अमेरिकेच्या राष्ट्रपतीपदाच्या निवडणुकीत ट्रम्प यांच्या अनेक ट्विटला हे लेबल लावण्यात आले होते. त्यानंतर ट्रम्प यांचं अकाऊंट कायमस्वरुपी रद्द करण्यात आलं होतं.
काय होतं ट्विट?
संबित पात्रा यांनी 18 मे रोजी एक ट्विट केलं होतं. त्यात त्यांनी कोरोना संकटात काँग्रेसकडून टुलकिटद्वारा मोदींची प्रतिमा मलिन केली जात असल्याचा दावा केला होता. एका पीआर कंपनीद्वारे काही बुद्धिजीवींच्या माध्यमातून मोदींच्या विरोधात वातावरण तयार करण्याचा प्रयत्न केला जात आहे, असा दावा या ट्विटमध्ये करण्यात आला होता.
वाद सुरूच
दरम्यान, टुलकिटप्रकरणावरून भाजप आणि काँग्रेसमध्ये आरोप-प्रत्यारोपांच्या फैऱ्या सुरूच आहेत. भाजपचे सर्व आरोप काँग्रेसने फेटाळून लावले आहेत. एवढेच नव्हे तर भाजपच्या नेत्यांविरोधात एफआयआर दाखल करण्यात यावा म्हणून काँग्रेसने दिल्लीच्या पोलीस आयुक्तांना चिठ्ठीही लिहिली आहे. काँग्रेसच्या एनएसयू या विद्यार्थी संघटनेने पात्रांविरोधात केसही दाखल केली आहे. या मुद्द्यावरून काँग्रेस नेते राहुल गांधी आणि काँग्रेसच्या महासचिव प्रियंका गांधी यांनीही भाजपवर जोरदार टीका केली होती. (BJP spokesperson Sambit Patra’s toolkit tweet tagged ‘manipulative’)
सुपरफास्ट 100 न्यूज | SuperFast 100 News | 8 AM | 21 May 2021 https://t.co/xFaiKk2Fhg #MorningBulletin | #MorningHeadlines | #TV9Marathi | #BreakingNews | #LatestUpdates
— TV9 Marathi (@TV9Marathi) May 21, 2021
संबंधित बातम्या:
दहशतवादी संघटनेशी संबंध, जम्मू काश्मीरच्या राष्ट्रपती पुरस्कारप्राप्त पोलीस अधिकाऱ्याची हकालपट्टी
Narada Sting: सीबीआयच्या याचिकेत ममता बॅनर्जींचंही नाव, राज्याबाहेर खटला वर्ग करण्याची मागणी
नड्डा, संबित पात्रा, स्मृती ईराणींवर एफआयआर दाखल करा; काँग्रेसची दिल्लीच्या पोलीस आयुक्तांकडे मागणी
(BJP spokesperson Sambit Patra’s toolkit tweet tagged ‘manipulative’)
