Marathi News Photo gallery Once Bollywood Hero No 1 Govinda saw his career decline after the failure of Aa Gaya Hero in 2017
2017मधील ती एक चूक भोवली! थेट करियरलाच पूर्णविराम लागला, Hero नंबर वन बनला झिरो
बॉलिवूडचा हिरो नंबर 1 म्हणून ओळला जाणाऱ्या अभिनेत्याचे करिअर एका चुकमुळे पूर्णपणे उद्ध्वस्त झाले. आता हा अभिनेता कोण? त्याच्यासोबत नेमकं काय झालं होतं? जाणून घ्या..
९० च्या दशकात बॉलिवूडचा हिरो नंबर १ म्हणून ओळखला जाणारा गोविंदा आज मात्र पूर्णपणे वेगळ्या अवस्थेत आहे. एकेकाळी त्याच्या समोर शाहरुख खान, सलमान खान आणि अन्य स्टार्सही फिके पडत. पण एका मोठ्या चुकाने त्याचे करिअर जवळजवळ संपुष्टात आले.
1 / 8
२०१४-१५ च्या दरम्यान गोविंदाने किल दिल आणि हॅपी एंडिंग सारख्या चित्रपटांमध्ये सहाय्यक भूमिका केल्या होत्या, ज्यांना चांगला प्रतिसाद मिळाला होता. पण त्याला मुख्य नायकाची भूमिका सोडून द्यायची इच्छा नव्हती.
2 / 8
२०१७ मध्ये त्याने ‘आ गया हीरो’ या स्वनिर्मित चित्रपटाद्वारे भव्य पुनरागमन करण्याचा प्रयत्न केला. स्वतःच निर्मिती आणि प्रमोशन सांभाळले. मात्र त्याने ९० च्या दशकातील जुना फॉर्म्युला, भडक रंगांचे कपडे आणि जुन्या पद्धतीचे ॲक्शन सीक्वेन्स पुन्हा आणले. २०१७ चा प्रेक्षकवर्ग पूर्णपणे बदलला होता. नवीन चित्रपटांच्या अपेक्षा वेगळ्या होत्या. परिणामी हा चित्रपट बॉक्स ऑफिसवर पूर्णपणे फ्लॉप ठरला.
3 / 8
या अपयशानंतर गोविंदाने कमी बजेटच्या चित्रपटांमध्ये काम करायला सुरुवात केली, पण तेही एकामागून एक फ्लॉप ठरले. त्यामुळे त्याची प्रतिमा आणि स्टारडम आणखी खालावला.
4 / 8
गोविंदाची सर्वात मोठी चूक म्हणजे काळानुसार स्वतःला बदलण्यात अपयश. अनिल कपूर, संजय दत्त सारखे त्याचे समकालीन कलाकार वय आणि बदलत्या चवीनुसार गंभीर, दमदार भूमिका निवडत होते. मात्र गोविंदा २५ वर्षांच्या तरुणाची भूमिका करण्याचा हट्ट सोडायला तयार नव्हता.
5 / 8
अनेक मोठ्या प्रोजेक्ट्समध्ये फक्त लीड रोल नसल्याने त्याने संधी नाकारल्या. सेटवर उशिरा येणे, ‘नाही’ म्हणण्याची सवय आणि दिग्दर्शकांशी मतभेद यामुळे मोठे दिग्दर्शक त्याच्यापासून दूर गेले.
6 / 8
२००७ मध्ये आलेला ‘पार्टनर’ हा गोविंदाच्या करिअरमधील शेवटचा मोठा ब्लॉकबस्टर चित्रपट ठरला. सलमान खानसोबतची त्याची जोडी प्रचंड यशस्वी ठरली होती. पण नंतर मीडिया रिपोर्ट्सनुसार, मतभेद आणि व्यावसायिक कारणांमुळे ही जोडी तुटली.
7 / 8
पुनरागमनाच्या प्रयत्नात गोविंदा वारंवार वादांमध्ये अडकला. कधी भाचा कृष्णा अभिषेकसोबत कौटुंबिक भांडण, तर कधी ज्येष्ठ दिग्दर्शकांविरुद्ध केलेली टीका. यामुळे त्याची प्रतिमा ‘वादग्रस्त’ व्यक्ती म्हणून बदलली. प्रेक्षक आता त्याला चित्रपटांऐवजी डान्स रिअॅलिटी शोमधील जज म्हणून अधिक ओळखू लागले. त्यामुळे त्याचे चित्रपटातील स्टारडम आणखी कमी झाले.
