अभिनेत्री श्रद्धा कपूरचा नवा रेकॉर्ड, पंतप्रधान नरेंद्र मोदींना टाकले मागे

बॉलिवूड अभिनेत्री श्रद्धा कपूरचा स्त्री 2 हा चित्रपट नुकताच प्रदर्शित झालाय. सध्या ‘स्त्री 2’ मोठ्या पडद्यावर चांगली कामगिरी करताना दिसत आहे. चित्रपट कमाईचे सर्व रेकॉर्ड मोडत आहे. पण या दरम्यान चित्रपटातील मुख्य अभिनेत्री श्रद्धा कपूर हिनेही एक विक्रम आपल्या नावावर केलाय. श्रद्धा कपूरचे Instagram वर 91.4 दशलक्ष फॉलोअर्स पूर्ण झाले आहेत. पंतप्रधान नरेंद्र मोदी यांनी तिने मागे टाकलं आहे. कारण मोदींचे 91.3 दशलक्ष फॉलोअर्स आहेत. पंतप्रधान नरेंद्र मोदी यांच्यापेक्षा किंचित जास्त फॉलोअर्स तिचे आहेत. 101.2 दशलक्ष पेक्षा जास्त फॉलोअर्ससह पीएम मोदी X (ट्विटर) वर सर्वाधिक फॉलो केले जाणारे जागतिक नेते आहेत. क्रिकेटर विराट कोहली आणि अभिनेत्री प्रियांका चोप्रा नंतर श्रद्धा कपूर आता इंस्टाग्रामवर सर्वाधिक फॉलो केली जाणारी तिसरी भारतीय ठरली आहे.

‘स्त्री 2’ ची चांगली कमाई

37 वर्षीय श्रद्धा कपूरचा चित्रपट हॉरर कॉमेडी ‘स्त्री 2’ सध्या बॉक्स ऑफिसवर चांगली कमाई करत आहे. हा सिनेमा 15 ऑगस्ट रोजी थिएटरमध्ये प्रदर्शित झाला होता. विराट कोहली आणि प्रियांका चोप्रा याचे इन्स्टाग्रामवर अनुक्रमे 271 दशलक्ष आणि 91.8 दशलक्ष फॉलोअर्स आहेत. इंस्टाग्रामवर सर्वाधिक फॉलो केलेले ते भारतीय सेलिब्रिटी आहेत. या प्लॅटफॉर्मवर आलिया भट्टचे 85.1 मिलियन फॉलोअर्स आहेत, तर दीपिका पदुकोणचे 79.8 मिलियन फॉलोअर्स आहेत.

पीएम मोदी अव्वल स्थानावर

एक्स वर, पंतप्रधान मोदी हे अमेरिकेचे अध्यक्ष जो बायडेन, दुबईचे शासक शेख मोहम्मद आणि पोप फ्रान्सिस यांसारख्या इतर जागतिक नेत्यांपेक्षा खूप पुढे आहेत. पंतप्रधान कार्यालय (पीएमओ) X खात्याचे 56 दशलक्षाहून अधिक फॉलोअर्स आहेत. भारतीय राजकारण्यांमध्ये, काँग्रेसचे सर्वोच्च नेते राहुल गांधी यांचे 26.7 दशलक्ष फॉलोअर्स आहेत, तर दिल्लीचे मुख्यमंत्री अरविंद केजरीवाल यांचे X वर 27.6 दशलक्ष फॉलोअर्स आहेत.

View this post on Instagram

A post shared by Shraddha ✶ (@shraddhakapoor)

15 ऑगस्टला रोजी प्रदर्शित

श्रद्धा कपूर आणि राजकुमार राव यांच्या या चित्रपटाने जागतिक स्तरावर बॉक्स ऑफिस कलेक्शनच्या बाबतीत 300 कोटी रुपयांचा टप्पा गाठला आहे. 2018 मध्ये आलेल्या ‘स्त्री’चा हा सिक्वेल आहे. एकाच दिवशी थिएटरमध्ये प्रदर्शित झालेल्या “खेल खेल में” आणि “वेद” या ब्लॉकबस्टर चित्रपटाने बॉक्स ऑफिसवर टक्कर दिली. स्त्री 2 चे दिग्दर्शन अमर कौशिक यांनी केले आहे. या चित्रपटात अभिनेता वरुण धवनने खास कॅमिओ केला आहे. श्रद्धा कपूर आणि राजकुमार राव हे शनिवार व रविवारच्या स्त्री 2 च्या सक्सेस पार्टीला उपस्थित होते.